|
خهسرۆ گۆران : موسڵ موڵكی ئهسیل نوجهیفی نییه، تا بارهگای پارته سیاسییهكان دابخات |
سهرۆكی لیستی برایهتی نهینهوا دهڵێت: پارتی دیموكراتی كوردستان لهموسڵ پارتێكی ئهوهنده بچووك و نوێ نییه كه هیچ بنكهیهك و هێزێكی نهبێت.
سهرۆكی لیستی برایهتی نهینهوا (خهسرۆ گۆران) لهلێدوانێكی تایبهتدا بۆئاژانسی ههواڵی پهیامنێر گوتی: كهس ناتوانێت بارهگای پارته سیاسیییهكانی كوردی و عێراقی لههیچ شوێنێك دابخات، ئهمڕۆ ئێمه لهعێراقێكی فیدڕاڵ و ئازاد و دیموكراتدا دهژین، دهستوری عێراق گرهنتی ئهوهی كردووه كه ههر گروپێك بۆی ههیه بارهگا و رێكخراوی ههبێت، ههر تاكێكیش بۆی ههیه گوزارشت لهمافهكانی خۆی بكات بهپێی دهستور.
خهسرۆ گۆران گوتیشی: پارتی دیموكراتی كوردستان لهموسڵ پارتێكی ئهوهنده بچووك و نوێ نییه كه هیچ بنكهیهك و هێزێكی نهبێت، پارتی دیموكراتی كوردستان لهوهتای دامهزراوه لهساڵی چلهكانهوه لهموسڵ بوونی ههبووه، لهم پارێزگایهدا ههزاران شههیدی داوه، ههروهها لایهنگری یهكجار زۆری ههیه لهقهزاو ناحیهكان و خودی پارێزگای موسڵ.
سهرۆكی لیستی برایهتی نهینهوا رایگهیاند، پارێزگای موسڵ موڵكی ئهسیل نوجهیفی و هیچ كهسێك نییه، موسڵ سهنتهری پارێزگایهكه كه ناوی نهینهوایه و كورد لهم پارێزگایه بهرێژهیهكی زۆر و بهرچاو بوونیان ههیه، بۆیه مافی ئهو خهڵكهیه لهسهنتهری ئهم پارێزگایه بارهگا و رێكخراوی خۆی ههبێت و جموجۆڵ و چاڵاكییهكانی خۆی نیشان بدات.
|
|
Sunday, February 07, 2010
|
|
چاپکردن |
|